February 7, 2022 2141

DIQQAT! TAŃLAW!

UNICEF Ózbekstan shólkemi hám ÓzRIIM kiber qáwipsizlik orayı Ózbekstannıń barlıq aymaqlarınan 12 jastan 17 jasqa shekemgi balalardı #SaferInternetDay tańlawına eń jaqsı milliy simvolikaliq personaj belgisi (simvol)  hám eń jaqsı shaqırıq (uran) penen tańlawǵa qatnasıwǵa shaqıradı. Tańlanǵan belgi hám shaqırıq , óytkeni Milliy internet qáwipsizligi orayınıń uranı hám belgisi bolıp qabıl etiledi.

Tańlawdıń maqseti – “milliy simvolikaliq personaj ” kórinisi (simvol) hám uranı úlgisin tayarlawdan ibarat. Jaratılǵan simvol kórinisi hám uran kiber keńislikte balalardı qorǵaw hám olardıń qáwipsizligin támiyinlewdi sáwlelendiriwi, sonday-aq, balalar arasında ótkerilgen ilajlarda sanlı texnologiyadan qáwipsiz paydalanıwdı úgit-násiatlay alatuǵın bolıwi tiyis.

Tańlawdı ótkeriw waqtı: 2022-jıldıń 8-fevralınan 8-martına shekem;

Nátiyjelerdi daǵazalaw: 2022-jılı 15-aprelde ÓzRIIM hám YUNISEF tiń Ózbekstandaǵı sociallıq tarmaqları hám veb-saytta beriledi

Tańlaw jeńimpazlarına sertifikat hám sıylıqlar tapsırıladı:

🥇1-orınǵa –Planshet (Samsung Galaxy Tab S711” 128Gb 4G)/

🥈2-orınǵa– Elektron kitap (Amazon Kindle Paperwhite 10th Generation)

🥉3-orınǵa –Fitnes brasleti (Xiaomi Mi smart brand6)

*Ulıwma jeńimpazlar sanı-6. Úsh orın “eń jaqsı obraz (simvol)” nominaciya hám úsh orın “eń jaqsı uran” nominaciya ushın.

1.Tańlawdıń «Milliy simvolikaliq personaj» temasındaǵı Ózbekstandaǵı balalar kiber keńislikten qáwipsiz paydalnıwın sáwlelendirip beriwde obrazdı (simvol) qoldan yamasa kompyuterde  salıw tómendegi korinislerde boladı:

  • Ósimlikler yamasa haywanatlar wákili súwreti;
  • Robot hám elektron qurılmalar súwreti;
  • Geometriyalıq figuralar;
  • Kórkem shıǵarmadaǵı qıyalıy súwret;
  • Tariyxıy kórkem shıǵarmadaǵı personaj súwreti;
  • Basqa da korinistegi súwretler.

2.Ózbekstandaǵı balalar kiber keńislikten qáwipsiz paydalanıw uranın jazıw tómendegi kórinislerde:

  • Uran (deviz);
  • Mánili sóz dizbegi;
  • Sóz dizbekleri;
  • Eki qatar qosıq túrınde;
  • Usınıslar.

3.Talapnama úlgisin toltırıw (A4 formatında pochta arqalı jiberiletuǵın xatqa qosıp yamasa,Word hújjeti formatında elektron xatqa qosıp jiberiw kerek)

  • Qatnasıwshınıń F.A.Á.
  • Qatnasıwshınıń jası
  • Jasaytuǵın jeriniń mánzili
  • Oqıw ornı (mektebi, klassı)
  • Baylanıs telefonları
  • Elektron pochta mánzili
  • Tańlaw jumısın kórsetiw: milliy simvolikaliq personaj obrazı (simvoli) hám/ yamasa uranı.

4.Simvol, uran hám talapnama úlgisin tómendegi mánzilge konvertte yamasa elektron xatta jiberiw kerek:

Ózbekstan Respublikası Ishki isler Ministirliginiń Kiber qáwipsizlik Orayı.

100029 Tashkent qalası Yakkasaray rayonı Yunus Rajabiy kóshesi.1

Yamasa elektron pochta: Tashkent@unicef.org

5.Tańlaw nátiyjelerin UNICEFtiń Ózbekstandaǵı sociallıq tarmaqları arqalı baqlap barın

Instagram:@unicefuzbekistan

Facebook:@unicefuzb

Telegram:@unicefuzbekistan

Eki nominaciya boyınsha tańlaw jeńimpazları tańlaw komissiyası aǵzaları, yaǵnıy IIM niń kiber qáwipsizlik orayı, UNICEF, Oliy Majlis janındaǵı balalardıń huqıqları boyınsha Wárillik Keńsesi, informacion texnologiya hám kommunikaciyalardı rawajlandırıw Ministirligi, Xalıq bilimlendiriw Ministirligi hám balalar hám jas óspirimler gazetasınıń bas redaktorı tárepinen anıqlanadı.

Tańlaw komissiyası aǵzaları ”milliy simvolikaliq personaj obrazı (simvoli)”» hám «eń jaqsı uran» tańlaw jumısların bahalaw kriteriyalarınıńa sáykes bahalaydı.

*Komissiya 3 eń jaqsı simvol hám 3 eń jaqsı urandı aldın ala belgilengen kriteriyalar boyinsha saylap aladı.

Shártleri*

  1. Tańlawǵa Ózbekstannıń qálegen aymaǵında jasawshı 12 jastan 17 jasqa shekemgi, sanlı texnologiyanı  qáwipsiz paydalanıw temasına qızıǵıwshı hám internetten paydalanıwshı barlıq balalardı qorǵaw hám olardıń qáwipsizligin támiyinlew haqqında ózleriniń ideyaları menen bólisiwge qushtar bolǵan balalar qatnasıwı múmkin.
  2. Hár bir qatnasıwshı tańlawǵa «milliy simvolikaliq personaj obrazı (simvoli)»nan tek bir obraz (simvol) hám tek bir uran menen qatnasıwı múmkin.
  3. Qatnasıwshılar tek bir «milliy simvolikaliq personaj obrazı (simvoli)», obraz (simvol) yamasa uranı menen, yaki bolmasa «milliy simvolikaliq personaj obrazı (simvoli)» obraz (simvol) hám uranın tapsıriw arqalı birden eki nominaciyaǵa qatnasıwı múmkin.

Obraz (simvol)

  1. «Milliy simvolikaliq personaj obrazı (simvoli)» obrazı qoldan salınǵan yamasa Photoshop, Power Point baǵdarlamasında islengen, yaki bolmasa qálegen qolaylı onlayn baǵdarlamada grafikaliq kóriniste islengen súwret kórinisinde jetkerip beriliwi kerek.:
  2. Súwret ruchka, qálem, flomaster yamasa boyaw menen qaǵazda yaki kartonda A3, A4 yamasa A5 formatında salınǵan bolıwı kerek.

Uran 

  1. Uran qol menen qaǵazǵa túsinikli etip jazılǵan bolıwı kerek, yamasa ózbekshe, qaraqalpaqsha, yamasa rus tilinde kompyuterde terilgen baspakórinisinde jetkeriliwi kerek.
  2. Avtorlıq huqıqın buzıp urlanǵan (plagiyat) simvollar hám uranlar, sonday-aq basqalardi kemsitiwshi, zulım kórsetiwshi, namısına tiyiwshi hám basqa adamlardıń qádirin, abıroyın kemsitiwshi, uyat sózlerden hám kórinislerden ibarat jumıslar tańlawǵa jiberilmeydi.

Hámme qatnasıwshılarǵa ńizge tabıslar tileymiz! Bizlerge internetten jiberiń. Balalardın internetti qáwipsiz paydalanıwı ushın islenip atırǵan bizlerdiń háreketimizdi qollap quwatlań! Balalardı kiber keńisliktegi qáwiplerden birgelikte qorǵaymız!

Click on the button below to listen to the text
Тепага