Boʻlajak kriminalistlarga tavsiyalar berildi
IIV Akademiyasida ekspert-kriminalistika sohasining zamonaviy imkoniyatlariga bagʻishlangan master-klass mashgʻuloti oʻtkazildi.
Kriminalistik ekspertizalar va Tergov faoliyati kafedralari hamkorligida tashkil etilgan tadbirda vazirlik Ekspert-kriminalistika bosh markazi vakillari, ixtisoslik kafedralari professor-oʻqituvchilari va kursantlar ishtirok etdi.
Mashgʻulot davomida ekspert-kriminalistika sohasida qoʻllanilayotgan zamonaviy qurilmalar, ularning imkoniyatlari, ommaviy tartibbuzarliklarning oldini olishda maxsus texnika va vositalardan foydalanish videorolik tarzida koʻrsatib berildi.
IIV Ekspert-kriminalistika bosh markazi boshligʻi, polkovnik Saidolim Nuriddinov boshchiligidagi tajribali amaliyot xodimlari tomonidan kursantlarga zarur tavsiyalar berildi.
IIV Akademiyasi Axborot xizmati
