6 июн 2021 1237

“Чорвоқда фуқаролар ўртасида жанжал чиқди” изоҳи билан тарқатилган хабар юзасидан

Бугун, 6 июнь куни ижтимоий тармоқларда “Чорвоқда фуқаролар ўртасида жанжал, оммавий муштлашув” каби изоҳлар билан видео хабар тарқатилди. Ушбу ҳолат юзасидан Тошкент вилояти ИИББ қуйидагиларни маълум қилади.

Мазкур ҳодиса тасвирга туширилган жой Бўстонлиқ тумани “Новобод” МФЙ ҳудудидаги “Пирамида -Чорбоғ оромгоҳи” соҳили бўлиб, соҳилда дам олиш 2021 йил 3 июнь кунидан расмий очилган. Шу вақт оралиғида бу каби ҳодиса рўй бермаган ва ИИОга ҳеч қандай мурожаат келиб тушмаган.

Аниқланишича, тасвирга олинган ҳолат 2018-2019 йил оралиғида содир бўлган бўлиши мумкин. Бунга сабаб ҳозирда ушбу соҳилнинг суви ва кўриниши ҳамда унинг атрофидаги муҳит ва бошқа жараёнлар ўзгарганлиги мисол (суратда).

Ҳозирда мазкур ҳолатнинг келиб чиқиш сабаби ва ҳолат иштирокчиларини аниқлаш юзасидан Бўстонлиқ тумани ИИБ томонидан тезкор суриштирув ишлари олиб борилмоқда.

ИИВ Ахборот хизмати

© 2006-2021. Барча ҳуқуқлар ҳимояланган
Сайт материалларидан фойдаланилганда www.iiv.uz сайти кўрсатилиши шарт
Cайт яратувчиси: Online Service Group
Белгиланган матнни тинглаш учун қуйидаги тугмани босинг
Тепага