5 Yanvar 2023
560
Ehtiyotsizlik oqibati
Toshkent shahrining Mirzo Ulugʻbek tumanida roʻyxatda turib, Jizzax viloyati Forish tumani Doʻstlik mahalla fuqarolar yigʻinida vaqtincha yashovchi X.Ch. ov qurolidan jarohatlandi. Chorva mollaridan xabar olish maqsadida yoʻlga chiqqan ushbu shaxsning ehtiyotsizligi oqibatida yelkasidagi miltiq otilib ketib, sochma qoʻrgʻoshin oʻqning bir donasi tovoniga teggan. U shifoxonaga yotqizildi.
“IJ-54” rusumli, 12 kalibrli, 2 stvolli ov quroliga jabrlanuvchi qonuniy egalik qilgan. Holat yuzasidan tergovga qadar tekshiruv harakatlari olib borilmoqda.
Jizzax viloyati IIB Axborot xizmati
