22 Sentabr 2020 4288

"GAZ - 3102" "Lacetti"ning yo'liga chiqib ketdi va...

Forish tumani Nurak mahallasi hududidan o'tuvchi Jizzax - Qizilcha 4/R-36 yo'lining 48 kilometrida yo'l-ulov hodisasi ro'y berdi. Forish tumani "Osmonsoy" mahalla fuqarolar yig'inida yashovchi, 1975 yilda tug'ilgan M.A. akasiga tegishli "GAZ - 3102" rusumli avtoulov boshqaruvini yo'qotishi oqibatida yo'lning qarama-qarshi yo'nalishiga chiqib ketib, "Lacetti"ga urilgan.

Oqibatda "Lacetti" haydovchisi, "Osmonsoy" mahalla fuqarolar yig'inida istiqomat qiluvchi, 1989 yilda tug'ilgan Sh.e. chap oyoq boldir suyagining sinishi tashxisi bilan Forish tumani tibbiyot birlashmasining jonlantirish bo'limiga yotqizilgan. "GAZ-3102" haydovchisi esa olingan tan jarohatlari natijasida shifoxonada ko'rsatilgan tibbiy yordamlarga qaramasdan vafot etdi.

Holat bo'yicha Forish tumani IIB xodimlari tomonidan surishtiruv harakatlari amalga oshirilmoqda.

Jizzax viloyati IIB Axborot xizmati

© 2006-2022. Barcha huquqlar himoyalangan
Sayt materiallaridan foydalanilganda www.iiv.uz sayti ko'rsatilishi shart
Sayt yaratuvchisi: Online Service Group
Belgilangan matnni tinglash uchun quyidagi tugmani bosing
Тепага