25 Dekabr 2020 6441

Ijtimoiy tarmoqlarda “Denov shahri nachal`nik militsiyani ustidan yozgani uchun olib ketilgani aytilmoqda” sarlavhasi ostida tarqalgan videolavha yuzasidan ma'lumot

Surxondaryo viloyati IIB ma'lumotiga ko'ra, Denov shahar "O'zbekiston" ko'chasida yashovchi fuqaro I.A. 2019 yilning noyabr` oyida o'ziga tegishli bo'lmagan “Namuna” mahallasida joylashgan 4 sotix er maydonini aldov yo'li bilan fuqaro A.A.ga 45.000.000 so'mga sotib, pullarini o'zlashtirib, so'ngra o'zining jinoiy harakatlarini davom ettirib, ushbu er maydonini 2020 yilning iyun` oyida fuqaro V.X.ga ham 49.000.000 so'mga sotgan. Ushbu harakatlarida O'zbekiston Respublikasi JKning 168-moddasi 3-qismi “b” bandida ko'rsatilgan firibgarlik jinoyatni qasddan sodir etish alomatlari yuzasidan, I.A.ga nisbatan Surxondaryo viloyati IIB tomonidan jinoyat ishi qo'zg'atilib tergov harakatlari olib borilgan.

Gumon qilinuvchi I.A. bir necha marotaba rasmiy ravishda tergovga chaqirtirilib, ichki ishlar organlari xodimlarining qonuniy talablarini bajarishdan bosh tortganligi sababli, viloyat IIB Tergov boshqarmasining joriy yil 24 dekabrdagi “Majburiy keltirish” qaroriga asosan,  gumonlanuvchi I.A. Denov tumani ichki ishlar organlari xodimlari tomonidan majburiy tartibda tergovga olib kelinishi ta'minlangan.

Videoyozuvda aynan shu holat tasvirlangan.

Shuningdek, hozirda, ichki ishlar organlari xodimlarining qonuniy harakatlariga to'sqinlik qilib, ularni xizmat vazifalarini bajarishlari bilan bog'liq qonuniy talablarini bajarmaslikka omma oldida da'vatlar qilgan hamda xodimlarni obro'sizlantirishga qaratilgan harakatlarni amalga oshirgan fuqarolarni aniqlash va qonuniy chora ko'rish ishlari amalga oshirilmoqda.

IIV Axborot xizmati

© 2006-2021. Barcha huquqlar himoyalangan
Sayt materiallaridan foydalanilganda www.iiv.uz sayti ko'rsatilishi shart
Sayt yaratuvchisi: Online Service Group
Belgilangan matnni tinglash uchun quyidagi tugmani bosing
Тепага