9 Fevral 2021 4224

Kattaqo'rg'onda yirik qimorxona faoliyatiga chek qo'yildi

2021 yil 8 fevral` kuni Samarqand viloyati IIB, Samarqand viloyati DXX hamda Kattaqo'rg'on shahar IIB xodimlari hamkorligida tezkor tadbir o'tkazildi. 

Kattaqo'rg'on shahar Do'st Ishbekov ko'chasida yashovchi, 1980 tug'ilgan, fuqaro M.F. pul evaziga xo'rozlarni urishtirish uchun maxsus joy “Arena” tashkil qilib, xo'roz urishtirish uchun kelgan har bir fuqarodan 10 ming (o'n ming) so'm miqdorda pul olib kelganligi aniqlandi.

“Arena”da jami 3 nafar fuqarolar o'zlarining xo'rozlarini urushtirish uchun olib kelganligi, 70 ga yaqin fuqarolar esa tomoshaga kelganligi aniqlanib, ularning yonlari ko'zdan kechirilganda 3 nafar fuqarolarning cho'ntaklaridan "marixuanna" giyohvandlik moddalari borligi aniqlanib, tegishli tartibda rasmiylashtirib olindi.

Tezkor tadbir davomida 51 nafar fuqarolarga nisbatan O'zbekiston Respublikasi MJtKning 54-moddasi (epidemiyalarga qarshi kurash qoidalarini buzish) 1-qismiga asosan ma'muriy bayonnomalar rasmiylashtirildi.

Samarqand viloyati IIB Axborot xizmati

© 2006-2022. Barcha huquqlar himoyalangan
Sayt materiallaridan foydalanilganda www.iiv.uz sayti ko'rsatilishi shart
Sayt yaratuvchisi: Online Service Group
Belgilangan matnni tinglash uchun quyidagi tugmani bosing
Тепага