“Spark”ning “motor” qismida Psixotrop dori vositalarini yashirib olib o‘tayotgan shaxs Ohangaronda fosh etildi
“Chinor” YPX maskanidan “Farg‘ona-Toshkent” yo‘nalishi bo‘ylab o‘tayotgan “Spark”ning havo filtrlari orasiga 320 dona kuchli taʼsir qiluvchi dori vositalari yashirilgan.
Toshkent viloyati IIBB JQB "Giyohvandlik vositalari bilan qonunga xilof ravishda muomala qilishga qarshi kurashish" bo‘limi xodimlari tomonidan “Chinor” YPX maskanida navbatdagi tezkor-qidiruv tadbiri tashkil etilgan.
Tadbir davomida maskandan “Farg‘ona-Toshkent” yo‘nalishida o‘tayotgan “Spark” avtomashinasida 28 yoshli fuqaro B.M. 39 dona «Tropikamid» va 280 dona «Regapen» kuchli taʼsir qiluvchi dori vositalarini mazkur avtomashinaning oldi kapot qismidagi, havo filtri qutisi orasiga yashirib Toshkent shahriga olib o‘tmoqchi bo‘lganida ushlandi.
Holat yuzasidan yo‘lovchi B.M. va haydovchi N.R. ga nisbatan Ohangaron tumani IIB Tergov bo‘limi tomonidan O‘zbekiston Respublikasi Jinoyat Kodeksi 251(1)-moddasi 3-qismi bilan jinoyat ishi qo‘zg‘atilgan.
Toshkent viloyati IIBB Axborot xizmati
