25 август 2020 300

Томорқасида гиёҳвандлик ўсимлигини етиштириб келаётган яна икки нафар фуқаро аниқланди

Вилоят бўйлаб ўтказилаётган «Қорадори-2020» тезкор-профилактик тадбирининг 2-босқичи давомида олинган тезкор маълумотга асосан, Ургут тумани Хўжайдуқ маҳалласида яшовчи, Р. нинг яшаш уйи ҳовлиси холислар иштирокида кўздан кечирилди. Текширув давомида ушбу шахс томорқасидаги полиз экинлари орасида жами 16 туп «Каннабис» гиёҳвандлик ўсимлигини экиб, етиштириб келаётганлиги аниқланди.

Шунингдек, тадбир доирасида Ургут тумани Қуйигузар маҳалласида яшовчи, А.нинг яшаш уйи ҳовлиси холислар иштирокида кўздан кечирилганда, томорқасида экинлар орасига жами 9 туп «Каннабис» гиёҳвандлик ўсимлигини экиб, етиштириб келаётганлиги аниқланиб, холислар иштирокида ҳужжатлаштирилиб олинди.

Ҳар иккала ҳолат юзасидан Ургут тумани бўйича ИИО ФМБ ҳузуридаги Тергов бўлими томонидан Ўзбекистон Республикаси Жиноят кодексининг 270-моддаси 1-қисми билан жиноят ишлари қўзғатилиб, тергов ҳаракатлари олиб борилмоқда.

Бундан ташқари, Нарпай туман ИИБ ходимлари томонидан олинган тезкор маълумотга асосан, Нарпай туман Наврўз МФЙда яшовчи, И.ни яшаш хонадони томорқаси холислар иштирокида кўздан кечирилганда, экинлари орасида жами 11 туп “Каннабис” гиёҳвандлик ўсимлигини етиштириб келаётганлиги аниқланиб, тегишли тартибда ҳужжатлаштирилиб олинди.

Мазкур ҳолат юзасидан Нарпай тумани ИИБ ҳузуридаги Тергов бўлими томонидан Ўзбекистон Республикаси Жиноят кодексининг 270-моддаси 1-қисми билан жиноят иши қўзғатилиб, тергов ҳаракатлари олиб борилмоқда.

Самарқанд вилояти ИИБ ахборот хизмати

© 2006-2021. Барча ҳуқуқлар ҳимояланган
Сайт материалларидан фойдаланилганда www.iiv.uz сайти кўрсатилиши шарт
Cайт яратувчиси: Online Service Group
Белгиланган матнни тинглаш учун қуйидаги тугмани босинг
Тепага