Toshloq tumanida kompyuterxonaga oʻgʻirlikka tushgan shaxs aniqlandi
Toshloq tumanida fuqaro O.B IIBga murojaat qilib, unda 2022-yilning 29-oktyabr kunidan 30-oktyabr kuniga oʻtar kechasi nomaʼlum shaxs Quyi Yakkatut mahallasida joylashgan kompyuter xizmatlari koʻrsatish xonasiga gʻayriqonuniy ravishda kirib, kompyuter xonasidan jami narxi 8.000.000 soʻmlik “PlayStation” oʻyin jamlanmasi ehtiyot qismlarini yashirin ravishda oʻgʻirlab, hodisa joyidan yashiringanligini bildirgan.
Mazkur holat yuzasidan Toshloq tumani IIB huzuridagi tergov boʻlinmasi tomonidan jinoyat kodeksining 169-moddasi 2-qismi «g» bandi (oʻgʻirlik) bilan jinoyat ishi qoʻzgʻatilgan.
Olib borilgan tezkor-surishtiruv ishlari davomida, ushbu jinoyatni M.R sodir etganligi aniqlanib, protsessual tartibda ushlangan.
Hurmatli fuqarolar, oʻz mol-mulkingiz, pul mablagʻlaringizni ehtiyot qiling!
Bu bilan oʻgʻirlik jinoyatlarining oldini olishga hissa qoʻshgan boʻlasiz.
Fargʻona viloyati IIB Axborot xizmati
