Urgutda haydovchi velosipeddagi yosh bolakayni urib yubordi
2020 yil 17 avgust kuni soat taxminan 16:00larda Urgut tumani Ipakli mahallasining ichki yo'lida, Urgut tumani A'loxotin mahallasida yashovchi 1991 y.t. M.A. o'zining "Moskvich-412" rusumli avtomashinasini "Ipakli-Jozmon" yo'nalishi bo'ylab boshqarib kelib, velosipedda yo'lning o'ng tomonidan chap tomoniga kesib o'tayotgan 2015 y.t. Z.Sh.ni urib yuborib, yo'l transport hodisasini sodir qilgan.
5 yashar bolakay olgan tan jarohatlari oqibatida Urgut tuman Tibbiyot birlashmasida vafot etgan.
Mazkur holat bo'yicha tuman IIO FMB huzuridagi Tergov bo'limi tomonidan Jinoyat kodeksining 266-moddasi 2-qismi bilan jinoyat ishi qo'zg'atilib, tergov harakatlari olib borilmoqda.
Samarqand viloyati Ichki ishlar boshqarmasi yana bir bor barcha yo'l harakati ishtirokchilaridan harakat xavfsizligiga qat'iy rioya qilishlarini so'raydi.
Samarqand viloyati IIB Axborot xizmati
