21 январ 2020 465

Ходимга пора бермоқчи бўлганда қўлга тушди

Нукус шаҳар Ички ишлар органлари фаолиятини мувофиқлаштириш бошқармаси 5-сонли Ички ишлар бўлими бошлиғи подполковник А.Бекмуратовга Нукус шаҳар Ички ишлар органлари фаолиятини мувофиқлаштириш бошқармаси ҳузуридаги Тергов бўлинмаси томонидан Жиноят кодексининг 168-моддаси 2-қисми ва 228-моддаси 2-қисми билан қўзғатилган ва тергов ҳаракатлари олиб борилаётган жиноят иши бўйича гумон қилинувчи тариқасида жалб қилинган, Нукус шаҳрида яшовчи фуқаро А.И. ўзига нисбатан қўзғатилган жиноят ишини ижобий ҳал қилиб бериш эвазига пора тариқасида 1.200 АҚШ доллари пули таклиф қилган. 15 январь куни фуқаро А.И. подполковник А.Бекмуратовга ўзига нисбатан тўпланган ҳужжатларни ижобий ҳал қилиб бериш эвазига таклиф қилган 1.200 АҚШ долларидан 300 АҚШ долларини пора тариқасида бераётган вақтида Қорақалпоғистон Республикаси Прокуратураси, Ўзбекистон Республикаси Ички ишлар вазирлиги Ўз ҳавфсизлиги бошқармаси Қорақалпоғистон Республикаси бўйича бўлими ҳамда жиноят қидирув бошқармаси ходимлари томонидан ашёвий далиллар билан қўлга олинган.

Ҳолат юзасидан Нукус шаҳар прокуратураси томонидан Жиноят кодексининг 211-моддаси 1-қисми билан жиноят иши қўзғатилиб тергов ҳаракатлари олиб борилмоқда.

Қорақалпоғистон Республикаси ИИВ Ахборот хизмати

© 2006-2020. Барча ҳуқуқлар ҳимояланган
Сайт материалларидан фойдаланилганда www.iiv.uz сайти кўрсатилиши шарт
Cайт яратувчиси: Online Service Group
Белгиланган матнни тинглаш учун қуйидаги тугмани босинг Powered by GSpeech
Тепага