19 May 2021 4204

Yangiqo'rg'on tumanida tilla tishlarni o'g'irlagan shaxs qo'lga olindi

Shu yil 14 may kuni, Yangiqo'rg'on tumanida yashovchi, 1980 y.t. ayol ariza bilan murojaat qilib, shu yil 10 may kuni soat 13:30 dan soat 15:00 gacha bo'lgan vaqt oralig'ida noma'lum shaxs, yashash uyi hovlisiga devor oshib tushib, xonada bo'lgan umumiy narxi 4.600.000 so'mlik ayollar kiyimlik materiallarini, 3 dona tilla tishlari va 3 dona uyali telefon apparatlarini o'g'irlab ketganligini ma'lum qilib, chora ko'rishni so'ragan.

Olib borilgan tezkor-qidiruv va surishtiruv harakatlari natijasida, ushbu jinoyatni, Yangiqo'rg'on tumanida yashovchi, 1969 y.t. fuqaro sodir etganligi aniqlangan.

Ushbu holat bo'yicha Yangiqo'rg'on tuman IIB huzuridagi Tergov bo'linmasi tomonidan Jinoyat kodeksining 169-moddasi 2-qismi bilan jinoyat ishi qo'zg'atilgan.

Namangan viloyati IIB Axborot xizmati

© 2006-2022. Barcha huquqlar himoyalangan
Sayt materiallaridan foydalanilganda www.iiv.uz sayti ko'rsatilishi shart
Sayt yaratuvchisi: Online Service Group
Belgilangan matnni tinglash uchun quyidagi tugmani bosing
Тепага