6 Sentabr 2021 4700

Zamonaviy politsiyaning ishlash usullari va texnik imkoniyatlari: Politsiya dubinkasidan dron va komp'yutergacha

Hukumatlar huquqni muhofaza qilish organlarini eng zamonaviy qurol va o'q-dorilar bilan ta'minlashga intilishgan. Masalan, sanoati rivojlangan mamlakatlarda XX asr boshlarida politsiya bazasidagi mashinalar bu transport vositasining narxi qimmatbaho uylarning narxiga teng bo'lgan paytlarda paydo bo'lgan.

O'sha paytlarda politsiya armiya tipidagi qo'l otar qurollar bilan ta'minlangan edi. Birinchi jahon urushi davrida ularning arsenalida miltiqlar paydo bo'ldi, keyinchalik - avtomatlar va boshqa bir qator avtomatik tizimlar.

XX asr o'rtalariga kelib, zirhli mashinalar keng tarqaldi. U dastlab davlat rahbarlarini hamda boshqa WP-personlarni tashish uchun mo'ljallangan edi. Jinoiy xavfli hududlar hisoblangan kambag'al ob'ektlarda aholi sonining keskin ko'payishi va xalqaro jinoyatchilikning kengayishi politsiya rahbariyatini shaharlardagi to'qnashuvlar paytida zirhli mashinalardan foydalanish kerakligi haqida o'ylashga undadi.

Ommaviy tartibsizliklarni bostirish uchun mo'ljallangan texnikalar takomillashtirildi. Bunga xodimlarni himoya qilish vositalari va huquqbuzarlarga ta'sir qilishning texnik jihozlari kiradi.

Qidiruv ish uslublariga keladigan bo'lsak, XIX asrdan boshlab politsiyadan qonun ustuvorligiga rioya qilish talab etilgan. Bu guvohlar yoki potentsial jinoyatchilar bilan muloqot qilishda huquqni muhofaza qilish organlari xodimlaridan o'zini sokin tutish va odob doirasida ish tutishni talab qildi.

XIX asr oxirlarida politsiya jinoyatchilarning antropometrik ma'lumotlar to'plangan kartotekalarni yig'a boshladi. XIX-XX asr oxirlariga kelib ularga barmoq izlari haqidagi ma'lumotlar qo'shilgan. Avvalroq politsiya tuzulmalari e'tiboriga tushgan shaxslarni aniqlash ularni suratga olish orqali osonlashdi va gumonlanuvchilarning ko'rsatmalarini tekshirish uchun poligrafiyadan tobora ko'proq foydalanila boshlandi. Ilmiy taraqqiyot o'nlab turdagi tekshiruvlarni o'tkazishga imkon yaratdi.

XX-XXI asrlar oxirida yangi texnik usullardan foydalanish keng tarqaldi. Hozirgi vaqtda kuzatuv kameralari, telefonlarni tinglash qurilmalari, elektron aloqa vositalari, kichik o'lchamli masofadan boshqariladigan samolyotlar va sun'iy yo'ldosh orqali xabarlarni ushlab qolish kabilar bilan hech kimni hayron qoldirib bo'lmaydi. Ammo politsiya hali ham asrlar davomida samarali hisoblangan usullardan, ya'ni so'roq qilish, jinoyat joyida ashyoviy dalillarni to'plash, yashirin kuzatuv, jinoiy muhitda ishonchli vakillarni yollash va unga o'z agentlarini kiritish bilan bog'liq usullardan foydalanib keladi.


«Teyser-M2b»-masofadan turib elektr toki urish qurollaridan biri. 


SWAT maxsus bo'linmalarining Lenco BearCat zirhli mashinasi  


Politsiya dronining uchirilishi


Maxsus qurolli hujum guruhi

©️ «Vsemirnaya istoriya politsii». Moskva: Izdatel`stvo «e», 2017.

© 2006-2022. Barcha huquqlar himoyalangan
Sayt materiallaridan foydalanilganda www.iiv.uz sayti ko'rsatilishi shart
Sayt yaratuvchisi: Online Service Group
Belgilangan matnni tinglash uchun quyidagi tugmani bosing
Тепага