18 октябрь куни Ҳиндистоннинг Нью-Деҳли шаҳрида Интерпол Бош Ассамблеясининг 90-сессияси очилиши муносабати билан тантанали маросим бўлиб ўтди
16 октябрь куни ташкилот фаолиятини кўриб чиқиш ва Бош Ассамблеянинг 90-сессиясининг якуний кун тартибини аниқлаш бўйича муҳокамалар ўтказилган Ҳиндистоннинг Нью-Деҳли шаҳрида Халқаро жиноий полиция ташкилоти Ижроия қўмитасининг 215-йиғилиши билан очилиши 18 октябрь куни бўлиб ўтган тадбирнинг протокол тадбирлари якунланди.
Ҳиндистон Бош вазири Нарендра Моди Интерпол Бош Ассамблеясининг 90-сессиясини тантанали қутлов нутқи билан очди. Шундан сўнг ICPO Interpol президенти Аҳмад Носир Ал-Раиси тадбир иштирокчиларини қутлар экан, трансмиллий жиноятчиликнинг ўта хавфли турларига қарши курашиш, полициянинг ҳамкорликдаги фаолиятини мувофиқлаштириш, шунингдек, Интерполнинг самарали фаолиятини таъминлаш билан боғлиқ кенг кўламли масалаларни ўз ичига олган, тасдиқланган кун тартибига мувофиқ сессия мажлисини очиқ деб эълон қилди. Шунингдек, Интерпол Бош котиби жаноб Юрген Шток сессия иштирокчиларига қаратилган манзилли нутқида тинчликни мустаҳкамлаш йўлида трансмиллий жиноятчиликка қарши курашда уларнинг салоҳиятини янада юксалтириш ва кенгайтириш борасида тўхталиб ўтди.
Интерполнинг Ўзбекистон Республикасидаги Миллий марказий бюроси делегацияси ҳам Ҳиндистон Мустақиллигининг 75 йиллигини нишонлаш билан бир вақтда ўтказилган ушбу муҳим тадбирда ташкилотга аъзо 166 мамлакат делегатлари билан бирга қатнашмоқда.
Бош Ассамблеянинг 90-сессияси очилиш кунида Интерполнинг Ўзбекистон Республикасидаги Миллий марказий бюроси делегациясининг Интерполнинг Пекин ва Абу-Даби шаҳарлари ММБ делегациялари билан икки томонлама учрашувлари бўлиб ўтди, улар чоғида ҳамкорликни мустаҳкамлаш ниятлари тасдиқланди ва яқин келажак учун ташаббуслар белгиланди.
Интерполнинг Ўзбекистон Республикасидаги Миллий марказий бюроси
