23 февраль 2023
938
2 нафар вояга етмаган қизларга ноқонуний сабоқ берган аёлнинг қилмишлари фош бўлди
Жорий йилнинг 10 февраль куни Фарғона вилояти ИИБ ТЭҚКБ ходимлари томонидан ўтказилган тезкор тадбир давомида, Фарғона тумани Чимён маҳалла ҳудудида яшовчи Э.Ф исмли аёл 2022 йилнинг август ойидан буён 2 нафар вояга етмаган қизларга ноқонуний диний таълим бериб келаётгани аниқланган.
Ҳолат юзасидан Ўзбекистон Республикаси Маъмурий жавобгарлик тўғрисидаги кодекснинг 241-моддаси билан ҳужжатлар расмийлаштирилиб, Э.Ф исмли аёлга нисбатан ЖИБ Бағдод тумани суди томонидан БХМнинг 3 баробари (900.000 сўм) миқдорда жарима жазоси тайинланди.
Фарғона вилояти ИИБ Ахборот хизмати
