16 декабрь 2020
4334
500 литр дизель ўғриси ушланди
Ички ишлар органлари ходимлари томонидан Дўстлик тумани Манас қишлоқ фуқаролар йиғинидаги постда “Nexia” тўхтатиб, текширилганида автоулов салони ва юкхонасида 30 дона 20 литрлик идишларга жойланган 500 литр дизель ёнилғиси борлиги маълум бўлди.
Зомин тумани Даштобод шаҳарчаси Бахт маҳалласида яшовчи З.Х. ноқонуний юкни уйига олиб кетаётганлигини билдирган.
Шунингдек, у маҳсулотни вилоятнинг Арнасой тумани ҳудудида М. исмли шахсдан сотиб олганлигини маълум қилган. Ёнилғи тегишли тартибда ҳужжатлаштириб олиниб, суриштирув ҳаракатлари олиб борилмоқда.
Жиззах вилояти ИИБ Ахборот хизмати
