Фарғона шаҳрида автомашинадан пул ва телефон аппаратини ўғирлаган шахслар аниқланди
Фарғона шаҳар Қувасой кўчасида яшовчи Х.О ИИБга мурожаат қилиб, унда 2023 йилнинг 13 июль куни номаълум шахс яшаш хонадони олдида қаровсиз қолдирган “Матиз” русумли автомашина салонида бўлган “Samsung” русумли телефон аппаратини, 250 АҚШ доллари ва 3.000.000 сўм пулларини яширин равишда ўғирлаб, ҳодиса жойидан яширинганлигини маълум қилган.
Мазкур ҳолат юзасидан Фарғона шаҳар ИИО ФМБ ҳузуридаги тергов бўлими томонидан Жиноят кодексининг 169-моддаси 1-қисми (ўғирлик) билан жиноят иши қўзғатилган.
Олиб борилган тезкор қидирув ҳаракатлари давомида ушбу жиноятни Д.М ва И.С.лар содир этганлиги аниқланиб, тергов ҳаракатлари олиб борилмоқда.
Эслатиб ўтамиз, Жиноят кодексининг 169-моддаси 1-қисмида кўрсатилган жиноятни содир этган шахс 3 йилгача озодликдан маҳрум қилиш билан жазоланади.
Ҳурматли фуқаролар, ўз мол-мулкингиз пул маблағларингизни эҳтиёт қилинг! Бу билан ўғирлик жиноятларининг олдини олишга ҳисса қўшган бўласиз.
Фарғона вилояти ИИБ Ахборот хизмати
