ЎЗБЕКИСТОН РЕСПУБЛИКАСИ
ИЧКИ ИШЛАР ВАЗИРЛИГИ

Сўнги йилларда мамлакатимизда ижтимоий-иқтисодий, соғлиқни сақлаш, таълим, ҳуқуқни муҳофаза қилиш ва бошқа соҳаларга замонавий информацион технологиялар кенг тадбиқ этилмоқда. Бу эса кундалик ҳаётимизда ўзига хос қулайликлар яратиши билан биргаликда “Кибержиноят” тушунчаларини ҳаётимизга олиб кирди.

Киберхавфсизлик, ижтимоий тармоқлар орқали жиноятлар, пластик карталардан маблағ ўғирланиши, онлайн қимор, cloud computing, fishing, ҳаккерлар ҳужуми, Киберэтика буларнинг ҳаммаси Кибероламда содир бўлаётган жараёнлардир.

Ички ишлар ходимлари хизмат фаолиятлари давомида бу каби жиноятларга дуч келишларини ҳисобга олган ҳолда, ИИВ Малака ошириш институти томонидан ИИВ Касбий тайёргарлик бошқармаси Ўқув-дала марказида, бошланғич касбий тайёргарлик ўқув курслари тингловчиларига киберхавфсизлик йўналиши бўйича тушунчалар берилди.

Мастер-класс шаклида ташкил этилган дарсларни ахборот-технологиялари йўналишида тизимда хизмат олиб бораётган тингловчи ходимлар ўтказдилар.

Биз яшаб турган ахборот технологиялари асрида кўплаб электрон тизимлар жорий қилиш ҳамда интернетдаги ижтимоий тармоқлардан фойдаланиш даражаси ортиб, бунинг натижасида электрон тизимларга уюштирилаётган киберҳужумлар орқали тизимларда сақланаётган керакли маълумотларни қўлга киритиш, банк пластик карталари маълумотлари ўғирланиб ундаги маблағларни ўзлаштириш, онлайн қиморхоналар ташкил этилиши каби ҳолатлар замонавий жиноят турларини кун сайин ривожланишига сабаб бўлаётгнлиги эътироф этилди.

Бунга жавобан бугунги кун Ички ишлар ходими кибермаконда содир бўлаётган жиноятларни чуқур таҳлил қилиб, рақамли технологиялардан оқилона фойдаланган ҳолда, аҳоли ўртасида тарғибот ишларини жадаллаштириш кераклиги  алоҳида таъкидланди.

Семинар-тренинг жараёнида фуқароларнинг киберҳужум қурбонига айланишларини барвақт олдини олиш бўйича фильмлар намойиш этилиб, тақдимотлар ўтказилди. Тингловчилар ўзларини қизиқтирган саволларга жавоблар олдилар.

ИИВ Ахборот хизматиетакчи мутахассиси,лейтенант С.Хакимов