14 май 2022 740

Муштумзўр безорилар қўлга олинди

Хоразм вилоятида ҳуқуқни муҳофаза қилувчи органлар томонидан ҳамкорликда ўтказилган тадбир жараёнида жамиятда юриш-туриш қоидаларини қасддан менсимасдан, ўзга шахсларни уриш-дўппослаш каби жиноятларни содир қилиб келган  безорилар гуруҳи қўлга олинди.

Дастлабки тезкор суриштирувлар натижасида ушбу гуруҳга  Урганч шаҳрида яшовчи, 1986 йилда туғилган, муқаддам судланган, С.Х. бошчилик қилганлиги аниқланди.

Бугунги кунда ички ишлар органлари томонидан Ўзбекистон Республикаси Жиноят кодексининг 277-моддаси 3-қисми билан қўзғатилган жиноят иши доирасида С.Х. билан биргаликда Урганч шаҳрида яшовчи, 1992 йилда туғилган, Б.Э. ва Урганч туманида яшовчи, 1986 йилда туғилган, О.М. ҳам гумонланувчи тариқасида жалб этилиб, процессуал тартибда ушланган.

Гумонланувчиларга тегишли автомашиналардан уриш ва тан жароҳати етказишда фойдаланиладиган пичоқ, темир бита ашёвий далил тариқасида олинган.

Тергов ҳаракати давомида ушбу шахслар томонидан илгари содир қилинган жиноятларни ва уларнинг бошқа жиноий шерикларини аниқлашга ҳам эътибор қаратилади.

Хоразм вилояти ИИБ Ахборот хизмати

© 2006-2022. Барча ҳуқуқлар ҳимояланган
Сайт материалларидан фойдаланилганда www.iiv.uz сайти кўрсатилиши шарт
Cайт яратувчиси: Online Service Group
Белгиланган матнни тинглаш учун қуйидаги тугмани босинг
Тепага