2 август 2022 1478

Полша зўрлаганликда айбланаётган шахсни Ўзбекистонга экстрадиция қилди

Ўзбекистон ва Полша давлатлари Интерпол ходимларининг ҳамкорликда олиб борган ҳаракатлари натижасида зўрлашда айбланаётган жиноятчи қўлга олиниб, экстрадиция қилинди.

2021 йилнинг август ойидан бери ҳуқуқ-тартибот идораларимиз томонидан зўрлашда айбланиб, қидирувда бўлган Ўзбекистон фуқароси М.Н. Интерполнинг Ўзбекистон Республикасидаги ММБ ходимлари ҳамкорлигида Варшавадан Тошкентга экстрадиция қилинди. -

Жорий йилнинг январь ойида жиноятчи Интерпол каналлари орқали халқаро қидирувга берилган эди, март ойида эса полшалик ҳамкорларимиз томонидан М.Н. Полша ҳудудига кирганлиги ҳақида хабар келди.

Шундан сўнг Интерполнинг Ўзбекистон Республикасидаги ММБ ходимлари томонидан қидирувдаги шахсни аниқлаш ва қўлга олиш борасида саъй-ҳаракатлар бошлаб юборилди ва юборилган процессуал ҳужжатлар бўйича тезкор қидирув тадбирлари амалга оширилди, бунинг натижасида М.Н. ушланди.

Экстрадиция талаби қаноатлантирилгандан сўнг, ҳуқуқбузар муносиб жазо олиш учун Ўзбекистонга қайтарилди.

Интерполнинг Ўзбекистон Республикасидаги Миллий марказий бюроси

© 2006-2022. Барча ҳуқуқлар ҳимояланган
Сайт материалларидан фойдаланилганда www.iiv.uz сайти кўрсатилиши шарт
Cайт яратувчиси: Online Service Group
Белгиланган матнни тинглаш учун қуйидаги тугмани босинг
Тепага