“Телеграм” мессенжери орқали танишган аёл 6 миллионга чув тушди
Фарғона вилояти, Фарғона шаҳрида яшовчи 40 ёшли (аёл) Қ.Д. ариза билан мурожаат қилиб, “Телеграм” мессенжери орқали танишиб қолган “номаълум шахс”, унинг банк картасига киберҳужум бўлаётганлигини, унинг ҳимоясини таъминлаши ва буни олдини олиш мумкинлигини билдириб, банк картасидан жами 6.231.000 сўм миқдоридаги пулларини ечиб олганлигини маълум қилган.
Ўтказилган тезкор-қидирув тадбирлари натижасида, Тошкент шаҳри, Сергели туманида яшовчи 25 ёшли К.Р. жабрланувчи Қ.Д. телефон рақамига сохта хабарлар жўнатиб уни алдаб “Телеграм” мессенжери орқали банк картаси коди ва смс-хабарномани қўлга киритиб пулларни ўзлаштирганлиги маълум бўлди.
К.Р.га нисбатан Жиноят кодексининг 168-моддаси 3-қисми билан жиноят иши қўзғатилиб, жиноий жавобгарликка тортилди.
Қонунга мувофиқ, К.Р. томонидан содир этилган жиноий ҳаракатлар учун 5 йилдан 8 йилгача озодликдан маҳрум қилиш жазоси назарда тутилган.
ИИВ ТҚД Киберхавфсизлик маркази
