XVII-XXI асрларда полиция ривожланиши. Собор тузуклари (қонунлар тўплами)
Нафақат Пётрдан аввалги Россияда, балки XVIII асрдаги энг муҳим ҳуқуқий ҳужжат сифатида тарихда тан олинган Собор тузуклари 1649 йилда Земский Соборда қабул қилинган. Бу кодексда Судебниклардан фарқли ўлароқ, жамиятнинг барча табақаларининг ҳуқуқ ва мажбуриятлари белгилаб берилган эди. Эркин деҳқонларни крепостнойга айлантириш ва қочқинларга нисбатан муддатсиз қидирув эълон қилиш – мазкур ҳуқуқий ҳужжатнинг асосий нуқталаридан бирига айланди.
Янги қонунлар тўпламида жиноий ҳуқуқ нормалари маълум даражада кенгайтирилди ва тўлдирилди. Энди жиноятлар аниқ тавсифлана бошлади. Ҳудудий тартибларга қарши жиноятлар (ҳар қандай ноқонуний фаолият) ва талончиликни ўз ичига олган амалдорликка доир жиноятлар каби тушунчалар пайдо бўлди. Жазо тизими ҳам батафсил баён қилинган, қамоқ муддатлари аниқ белгилаб қўйилган (уч кундан умрининг охиригача).
Номаълум рус рассоми. Шоҳ Алексей портрети. Тахминан 1680 йилда Алексей Михайлович ўз даврининг энг кўзга кўринган ислоҳотчиси бўлиб, у Россия давлатининг мустаҳкамланишига ҳиссасини қўшган.
Собор тузуклари ҳудудий тартибларга қарши жиноятларни (бошқача айтганда, жамоат тартибини) тартибга солган. Бу тоифадаги жиноий ҳаракатларга ноқонуний солиқ белгилаш, қочқинларни жойлаштириш, фоҳишахоналарни сақлаш, ўғирланган молларни сотиш ва бошқалар киради.
©️ "Всемирная история полиции". Москва: Издательство "Э", 2017.
