ЙПХ инспекторида шубҳа уйғотган ҳайдовчи тақиқланган модда ҳамда пиротехника воситаларини олиб кетаётганлиги аниқланди
2022 йилнинг 28 декабрь куни соат 22:50 ларда, Янгиҳаёт туманида хизмат олиб бораётган Тошкент шаҳар ИИББ ЙҲХБ ЙПХ инспекторлари лейтенант А.Рашидов ва сержант А.Толиевлар томонидан Янгиҳаёт тумани Чоштепа кўчаси бўйлаб ҳаракатланиб келаётган, "Lacetti" русумли автомобиль тўхтатилиб, ҳужжатлари текшириб кўрилганда ҳайдовчи 1997 йилда туғилган Д.В. ўз ҳатти-ҳаракатлари билан ЙПХ инспекторларида шубҳа уйғотган, холислар иштирокида автомашина салон қисми кўздан кечирилганда 50 минг сўм пул купюрасига ўралган ўткир ҳидли, қуритилган ўтсимон модда ва 230 блок "Британик", 400 дона "Золотой песок", 43 дона "Салют" номли катта миқдордаги пиротехника воситалари топилган.
Мазкур ҳолат юзасидан тегишли ҳужжатлар расмийлаштирилиб, фуқаро Д.В. Янгиҳаёт тумани ИИО ФМБга топширилган.
Тошкент шаҳар ИИББ ЙҲХБ Ахборот хизмати
