2023-йил 1-декабрь куни Тошкент шаҳрида Ўзбекистон Республикаси Ҳуқуқни муҳофаза қилиш академияси ташкил этилганининг бир йиллиги муносабати билан “Ҳуқуқни муҳофаза қилиш соҳасида юридик таълим ва фан: замонавий тенденциялар ва истиқболлар” мавзусида халқаро конференция бошланди.

Конференция мақсади таълим жараёнида инновацион ёндашувларни муҳокама қилиш, замонавий таҳдидларни инобатга олган ҳолда ҳуқуқни муҳофаза қилиш соҳаси кадрларини тайёрлаш борасида тажриба алмашиш, коррупцияга қарши курашиш, жиноий даромадларни легаллаштириш ва терроризмни молиялаштиришга қарши курашиш, шунингдек тергов фаолиятида инсон ҳуқуқларини таъминлаш соҳаларида халқаро стандартларни имплементация қилиш бўйича тавсиялар ишлаб чиқишдан иборат.

Конференция Ҳуқуқни муҳофаза қилиш академияси томонидан “Минтақавий мулоқот” ХННТ, GIZ, Европа Кенгаши, ЕХҲТ, UNODC, IRZ ва бошқа халқаро ташкилотлар кўмагида ташкил этилди.

Анжуман ялпи ва тематик сессиялар шаклида ташкил этилган бўлиб, тадбирнинг биринчи куни замонавий шароитда таълим жараёнини ташкил қилишдаги муаммолар, юридик фан ва ҳуқуқни қўллашнинг долзарб муаммолари, тергов фаолияти салоҳиятини ошириш истиқболлари муҳокама қилинди.

Тадбирда фан ва таълим соҳасидаги 40 дан ортиқ хорижий ва миллий экспертлар, 20 та давлатдан соҳавий муассасалар раҳбарлари ҳамда мутахассислари, шунингдек 10 та халқаро ташкилот вакиллари иштирок этишди.

Тадбирни кириш сўзи билан очган Ўзбекистон Республикаси Бош прокурори Н.Т.Юлдошев, Ўзбекистон Республикаси Олий Мажлиси Қонунчилик палатаси Спикерининг биринчи ўринбосари, Инсон ҳуқуқлари бўйича Ўзбекистон Республикаси Миллий маркази директори, академик А.Х.Саидов, Ўзбекистон Республикаси ички ишлар вазири П.Р.Бобожонов, Ўзбекистон Республикаси Миллий Гвардияси қўмондони Р.М.Джураев, Ўзбекистон Республикаси Божхона қўмитаси раиси А.Ю.Мавлонов ҳуқуқ-тартибот идоралари фаолиятини самарали ташкил этишда фан ва таълимнинг аҳамияти, амалга оширилаётган ислоҳотлар, шунингдек, Академиянинг замон талабларини инобатга олган ҳолда соҳада кадрлар тайёрлаш борасидаги фаолиятини алоҳида таъкидлаб ўтдилар.

Конференцияни ташкил этишда яқиндан ҳамкорлик қилган БМТ ГЖБнинг Марказий Осиёдаги минтақавий вакили А.Миттал, ЕХҲТнинг Ўзбекистондаги лойиҳаси координатори, Миссия раҳбари в.б. З.Клёвер, “Минтақавий мулоқот” халқаро нодавлат нотижорат ташкилоти директори (Словения) М.Север, Германия халқаро ҳамкорлик жамиятининг (GIZ) Ўзбекистондаги ваколатхонаси раҳбари Й.Фриц, Европа Иттифоқининг Ўзбекистондаги делегациясининг раҳбари, элчи Ш.Адриан, Европа Кенгаши Инсон ҳуқуқлари бўйича бошқармаси бўлим раҳбари С.Дикман Академияси ташкил этилганининг бир йиллиги билан қутлаб, трансмиллий уюшган жиноятчилик ва коррупцияга қарши курашиш, инсон ҳуқуқларини таъминлаш ва бошқа муҳим йўналишларда ҳамкорликдаги лойиҳаларни амалга оширишни келгусида давом эттиришга тайёрликларини билдирдилар.

Ҳамкорлар Академиянинг касбий юридик таълимни ривожлантириш, инновацион таълим ва рақамли технологияларни жорий этиш, фан ва таълимнинг юқори сифат стандартларига эришиш борасидаги ташаббусларини қўллаб қувватлаш мақсадида эканликларини таъкидлашди.

Конференцияда Ўзбекистон Республикаси Коррупцияга қарши курашиш агентлиги директори А.Бурханов, Туркия Адлия академияси президенти М.Уздемир, Малайзия коррупцияга қарши академияси директори И.Бин Захарудин, Франция Магистратлар мактаби (ENM) директорининг ўринбосари Х.Булакрас, ЮНEСКОнинг Ўзбекистондаги ваколатхонаси раҳбари С.Ношади, Қозоғистон Республикаси Бош прокуратураси ҳузуридаги Ҳуқуқни муҳофаза қилиш органлари академияси ректори М.Сексембаев, Озарбайжон Республикаси Бош прокуратураси илмий-таълим маркази бошлиғи М.Ахмедов, Қирғизистон Республикаси Бош прокуратураси ҳузуридаги Прокуратура ходимларининг малакасини ошириш ва қайта тайёрлаш маркази директори А.Киязов ва бошқа ташкилот ва муассасалар раҳбар ва ходимлари маъруза билан иштирок этди.

Шу билан бирга, конференция доирасида “Инсон ҳуқуқлари бўйича таълим: академик мукаммаллик, технология ва инновациялар”, “Коррупция ва жиноий даромадларни легаллаштиришга қарши курашиш соҳасида халқаро стандартларни жорий этиш: муаммолар ва уларнинг ечимлари” ҳамда “Тергов ходимларини ўқитиш ва тайёрлашга замонавий ёндашувлар: назариядан амалиётга” мавзуларида тематик сессиялар ўтказилди.

Ўтказилган сессиялар натижаларига кўра, конференциянинг ҳуқуқни муҳофаза қилиш соҳасидаги илмий ва таълим салоҳиятини ошириш, масъул органлар фаолиятида инсон ҳуқуқларини таъминлаш, коррупцияга қарши стандартларни имплементация этиш, терроризмни молиялаштириш ва жиноий активларни тиклаш, идоралараро ва халқаро ҳамкорликни мустаҳкамлашга қаратилган амалий тавсиялари қабул қилинди.

Министерство внутренних делРеспублики Узбекистан

Вид

Размер шрифта

Новости Узбекистана

Новости министерства

Образование и обучение

Преступления и инциденты

Все рубрики

Внимание, розыск!

События

Ключевые показатели

Общее количество обращений

Рассмотренные обращения

В процессе рассмотрения

Интерактивные услуги

Территориальные органы внутренних дел

Ташкентской области

Опрос

102

1102

1173

info@iiv.uz

Министерство внутренних дел
Республики Узбекистан